Urtarrilaren 5ean artisauen azoka berezia

Eskuartean artisau taldeak abenduren 23 eta 24rako antolatutako azoka urtarrilaren 5era atzeratu da. Alerta naranja aktibatu zuten haize bolada bortitzengatik eta ezin izan genuen Seberon azoka mantendu.

Eskuartean azoka

Urtarrilaren 5an (goizez bakarrik, arratsaldean Errege Kabalgata dago) Arrasateko Herriko Plazan jarriko dugu azoka eta, guztira, 16 artisau egongo gara bertan: bitxiak, makramea, gantxilloa, haurrentzako arropak… artikulu bereziak eta esklusiboak topatzeko parada.

Eskuartean azoka

Orduan egingo dugu, gainera, zozketa solidarioa. Opari pilloa ditugu erosketak gurean egin dituzuenon artean banatzeko!

Advertisements

Eskuartean taldearen urtebetetzea

Orain urtebete antolatu zuen Arrasateko Eskuartean Artisau Elkarteak bere lehendabiziko azoka, Gabonetakoa. 2013 sorrera urtea izan bada ere, esan dezakegu, taldea finkatzeko eta egonkortzeko balio izan digula.

eskuarteanGaur egun, 12-13 lagun gaude taldean eta ilusio handiarekin jarraitzen dugu. Datorren abenduaren 23an eta 24an Gabonetako Azoka errepikatuko dugu.

Arrasateko Seber Altube plazan izango gara eskuz egiten ditugun produktuak erakusten eta saltzen. Maitasunez egindako opari berezi horren bila ari bazara, hurbil zaitez Seberora!!

Gabon Azoka abenduaren 23 eta 24an

Gabonak gainean ditugu eta egun “zoroak” izango ditudala aitortu behar dizuet. Abenduaren 22an, Santamas azokan jarriko dut postua, Forum denda dagoen inguruan. Aurten ez naiz Jokin Zaitegi plaza barruan egongo baina badakizue non aurkituko nauzuen!

marahmaranlarrosa3

Eta iaz bezala, Eskuartean artisau elkarteak antolatutako Gabon Azokan ere parte hartuko dut abenduaren 23an eta 24an. Azoka solidarioa da eta postua jarriko dugun artisau bakoitzak gure produktu sorta bat oparituko dugu martxan jarriko dugun zozketarako. Esan, zozketa horretatik ateratako diru guztia Elikagaien Bankura eramango dugula beraz badakizue… opari pertsonalak, esklusiboak, maitasunez egindakoak… oparitu nahi badituzue Seber Altube plazan aurkituko gaituzue!

Nik txapel eta mitoi larros zoragarri hauek jartzen ditu, politak ezta?

marahmaranlarrosa

kartela

Oñatiko Herri Eguna

Aurten izan naiz lehen aldiz Oñatiko Herri Egunean. Uztailean eman nuen izena bertan postua jartzeko baina konturatu gabe nengoen Maritxu ondorengo zapatuan ospatzen zela jaia.

Ostegunean kotxea trastuekin kargatu eta horrela, bada, Maritxu egunean Marahmaran kontuak alde batera utzi nituen!! Zapatu goizean (lo gutxi egin ondoren) baserritar jantziaz jantzi eta Oñatirantz abiatu nintzen. Roneoko biribilgunean Ertzainen alkoholemia kontrolarekin topo egin nuen eta baina eskerrak gelditu ez nindutela (ejem… bestela berandu iritsiko nintzen azokara!!!).

2013_10_05__8914Oñatin jende ezagun asko ikusi nuen; gehienak, Oñatiarrak eta aspaldiko aurpegiak! Eli, Susana, Natxo (argazki ederrak atera dituzu, por tzierto!), Idoia, Maider, Oihana, Irati… Maritxu osteko zapatu goiz ezberdina izan zen… nekatuta bukatu nuen baina pozik esperientziarekin.

Azoka egun baten kronika txikia

Polita izan zen pasaden ostiraleko azoka, Maritxu Kajoiko Nobenarixo egunean ospatutakoa. Eskuartean artisau taldeak antolatuta, Arrasateko hamar artisauen produktuak egon ziren ikusgai eta salgai Herriko plazan.
marahmaranArtisauak arratsaldeko 15:30tan elkartu ginen kontu guztiak antolatzeko: mahaiak eta barandillak, karpetarako bonbilak, roll-up berria… Mahaietan nola kokatu jakiteko zozketa egin genuen eta niri bigarren postuan tokatu zitzaidan, Melina eta Vanessaren ondoan. Amaia eta Edurne gertu eta parean Ebert, Dunixe, Laura, Lara eta Lur.

Amaia

Aran

Aurreko azokekin alderatuz, askoz lasaiago hartu nituen gauzak eta 18:00tarako dena kontrolpean neukala sentitu nuen. Egunak eta eguraldiak lagun jende ugari hurbildu zen guregana, postuak ikustera, gauzak erostera… eta gertuko lagunak, edariak eskaintzera (berooo… egiten zuen…. eskerrik asko!!).

eskuarteanPozik eta gustura pasa nuen arratsaldea: giro polita, jende atsegina inguruan, enkargutxo batzuk lotuta, salmentak nahiko ondo… eta gainera, gaueko 21:00tan, gauzak jasotzen hasi nintzenean, Karruenako mutilak (mila-mila esker, fenómenos) gerturatu zitzaizkidan laguntza eskaintzera.

Egunak merezi izan zuen, bai horixe! Beste baten gehiago.

Aran2 maritxu

Eskuartean taldearen aurkezpena

Kaixo, lagunok!

Aspaldian blogean idazteko astirik gabe ibili naiz eta dagoeneko ordua denez… Arrasateko Eskuartean artisau taldearen aurkezpena egiteko aprobetxatuko dut (ni ere taldeko kide naiz, ta!) :-))
eskuarteanHemengo artisauak gara eta artisautza mota desberdinak daude gure artean: makramea, larrua, buztin polimerikoa, oihala, zilarra, artilea. Hauekin, lan mota asko eta desberdin egiten ditugu: apaingarri guztiak (belarritakoak, eskumuturrekoak, lepokoak, orratzak…); baita umeen arropak, mantalak, mota guztietako arropa, kortseak, artilezko xalak, zorroak, poltsak, txanoak, txalekoak, gerrikoak ere.

Noiz sortu genuen taldea? 2012 urtean hainbat artisau elkartu ginen eta ikusi genuen elkarrekin zerbait egiteko aukera zegoela. Lehen ekintza, gabonetako azoka izan zen eta harrezgero, hainbat bilera egin ditugu eta dinamika polit bat ari gara hartzen. Oraindik hasieran gaude, baina urtean zehar egiteko hainbat ekimen pentsatu dugu, hala nola, beste herrietako artisauak Arrasatera ekarri, erakusketak, azokak, tailerrak,…

eskuartean1

Gure helburuak dira artisautza bultzatzea eta honetan ari garenak elkartzea eta elkarlana aregotzea. Garbi dugu artisautza material jakin bat eraldatzea dela eta, horrexegatik, talde moduan kalera irtengo garenean ez dugu salerosketak onartuko; produktuak norberak egindakooak izan beharko dira, beti!!

Urtean zehar hainbat ekintza burutuko ditugu; horietako bat izan da San Juan aurretik, pasaden zapatuan, antolatutako azoka eta tailerrak. Sebero Altube plazan, taldeko 8 artisauen postu jarri genituen eta eskulanetarako tailerrak. Eguraldi polita atera zen eta jendearen erantzuna positiboa!

Laister arte!

Esperientzia polita

Aurten, Santamasak eta ondorengo bi egunak modu ezberdin baten bizi izan ditut. Abenduaren 22an, Jokin Zaitegi plazan, artisauen azokan parte hartu nuen eta gero Seber Altuben ospatu zen Gabonetako I. Artisau Azokan.

Santamasak12 Artisauazoka12

Seberon, teknika eta produktu ezberdinak lantzen dituzten beste 15 artisauekin partekatu nituen ordu dezente eta egia esan, esperientzia aberasgarria izan da niretzat. Artista paregabeak ezagutu ditut eta gainera, eguraldiak lagundu digunez jende asko hurbildu da erosketak egitera eta artikuluak ikustera.

Eskerrik asko, guztioi!